السلام عليكم ورحمة الله وبركاته
اولا المقادير:فراخ مخليه الكميه اللي انتي عايزاها _ نص كبايه لبن _2كوب دقيق _كوب بقسماط _ملح حسب الرغبه_التوابل وهي عباره عن_(كمون_فلفل اسود_بابريكا_شطه حمرا مطحونه_بصل بودره_ثوم بودره_معلقه صغيره كركم) وطبعا زيت للقليه
الطريقه:_طبعا نغسل الفراخ كويس وبعدين نحطها في اللبن
_نخلط الدقيق مع البقسماط والملح والبهارات كويس جدا وهنلاحظ ان لون الدقيق اتغير
_نطلع الفراخ من اللبن ونحطها في خلطه الدقيق اللي عملناها ونضغط عليها كويس ونرصها في طبق ونسيبها في التلاجه علي الاقل ساعه
_نحط الزيت علي النار ونسيبه يغلي وبعدين نخرج الفراخ من التلاجه ونقيها لحد ما يبقي لونها ذهبي ونخرجها علي ورق نشاف ونقدمها مع مكرونه بالصلصه وبطاطس مقليه وبالهنا والشفا
*لو اتبقي من الخلطه بتحطيها في علبه مقفوله كويس وتستخدميها كل مره انا بعمل كميه من الدقيق واحطها في علبه لها غطا وتبقي جاهزه كل مره
ممكن كمان تستخدمي فراخ مش مخليه بس لازم تتسلق شويه الاول علشان تستوي
الثلاثاء أكتوبر 27, 2009 4:57 am
